1.14. Колледж студенттеріне колледждің оқу корпусында, оның территориясында саяси паритялардың, басқа қоғамдық-саяси және діни ұйымдардың бағдарламалық нұсқауларын насихаттауға тыйым салынады.

1.15. Студенттер колледждің қоғамдық-пайдалы жұмыстарына, колледждің, қаланың, облыстың шараларына қатысуға тиіс.

1.16. Топ жетекшілері аталған Ережелермен студенттерді таныстыруға міндетті.

 

2. Студенттерді оқуға қабылдау, оқудан шығару, пәндер бойынша қарыздарды жою тәртібі

2.1. Колледжге оқуға қабылдау колледж директорының бұйрығымен жүзеге асырылады, белгіленген үлгідегі студенттік билет және сынақ кітапшасы беріледі.

2.2. Колледжден студенттер келесі себептер бойынша педагогикалық кеңес немесе директорат шешімі бойынша оқудан шығарылады:

- колледжде алкогольдік немесе наркотикалық масаю күйінде келгені үшін;

- насвайды тарату немесе қолдануы үшін;

2.3. семестр ішінде себепсіз 50 және одан да көп сағаттарды босатқаны үшін;

2.4. академиялық үлгермеушілігі үшін (семестр қорытындылары бойынша үш немесе одан да аса «қанағаттанарлықсыз»бағасы болған, немесе үш немесе одан да аса пәндерден «аттестатталмаған» жағдайда) ;

2.5. Аттестация бойынша бір немесе екі қанағаттанарлықсыз баға алған жағдайда студент пәнді қайта тапсыру қажет, себепсіз екінші рет қанағаттанарлықсыз алған жағдайда емтиханды белгіленген тәртіпте сессия аяқталғаннан кейін тапсыру қажет;

- білім беру қызметтерін көрсетуге жасалған шартқа сай оқуына ақысын уақытында төлемей 50 000 (елу мың теңгеден) астам мөлшерде қарызы үшін;

- Ішкі тәртіп ережелерін бірнеше рет өрескел бұзғаны үшін (3 немесе одан да көп рет«қатаң сөгіс» жариялаған кезде);

- ДКК ұйғарымы негізінде денсаулық жағдайы бойынша;

- өз рекімен;

- Қазақстан Республикасының заңдылық атілері – Қазақстан Республикасының Қылмыстық Кодексіне қарсы бағытталған әрекеттері немесе бұзғаны үшін.

 

3. Студенттердің құқықтары:

3.1. Колледждің ұсынатын қосымша (оның ішінде ақылы) білім алу қызметтерін алуға;

3.2. Қазақстан Республикасы Мемлекеттік жалпыға міндетті білім стандартының шеңберінде колледж зертханаларын, кабинеттерін, аудиторияларын, оқу залын, кітапханасын, спорт залын, электронды кітапхасын және басқа жабдығын қолдануға;

3.3. Орта медицина білімі бар мамандардың даярлық деңгейін жоғарлатуға арналған ғылыми-зерттеу жұмыстарына қатысуға;

3.4. Оқу процесін, студенттердің үлгерімін, еңбек және оқу тәртібін жетілдіру сұрақтарын талқылауда қатысуға;

3.5. Колледждің қоғамдық, мәдени-бұқаралық, дене шынықтыру-спорттық шараларына қатысуға;

3.6. Медициналық көрсетімдері бойынша, тиісті құжаттармен расталатын басқа ерекше жағдайларда академиялық демалыс алуға.

4. Студенттердің міндеттері:

4.1. Қазақстан Республикасының мемлекеттік жалпыға міндетті білім стандарттарына сай толық көлемде териялық білім мен практикалық дағдыларын жүйелі түрде және терең меңгеру. Колледждің оқу жоспары және оқу процесінің графигіне сай оқу бағдарламасын орындау.

4.2. Бекітілген кестеге сай теориялық және практикалық сабақтарға, қосымша консультацияларға жүйелі түрде қатысу.

4.3. Нақты мамандық бойынша колледжде жүзеге асырылатын білім беру бағдарламаларының барлық талаптарын (барлық оқитын пәндер бойынша ай сайынғы аттестация) орындау (нормативті мерзімде).

4.5.Колледждің ішкі тәртіп ережелерін және кабинеттерде, зертханаларда, компьютерлік сыныпта қауіпсіздік техника және өрт қауіпсіздігі техника ережелерін сақтау.

4.6. Келісім шартпен белгіленген төлем тәртібіне сай оқу ақысын уақытында төлеу.

4.7. Материалдық базаны сақтау, оқу жабдықтарын, кітапхана қорын тиянақты пайдалану.

     4.8. Жеке мәдени деңгейін жоғарлату. Полимәдениетті қарым-қатынас дағдыларын меңгеру. Жалпы адамгершілік принциптерін сақтау.

     4.9.Колледждің оқытушылар құрамын, қызметкерлерін және оқушыларын қадірлеу және сыйлау. Оқытушы сабаққа кірген уақытта орынан тұрып сәлемдесу. Оқытушылардың барлық талаптарын орындап сабақ кезінде тәртіп сақтау (сабақ уақытында аудиториядан тек оқытушының рұқсатымен ғана шығу).

4.10. Сабақты себепті босатқан жағдайда бөлімше меңгерушіні, топ жетекшісін 1 (бір) күнтізбелік күн ішінде ескерту қажет. Ауырған жағдайда бөлімше меңгерушісіне немесе топ жетекшісіне белгіленген тәртіптегі нысан бойынша  емдеу мекемесінің анықтамасын сабаққа шыққаннан кейін үш күн ішінде ұсыну қажет.

4.11. Босатылған сағаттар сабаққа шыққаннан кейін 3 күннен кешіктірмей оқу бөлімінен алған жолдама бойынша міндетті түрде өтеледі.

4.12. Колледжде сырт киіммен, бас киіммен жүруге, сабақ уақытында коридор мен дәліздерде дауыс көтеріп сөйлесуге, жүгіруге және шулауға тыйым салынады.

4.13.Студенттер колледжде оқу кезінде өзіне төмендегідей міндеттемелер алады: колледжге сабаққа ұқыпты киіну (колледжде сабаққа спорт киіммен, шортымен, сланцымен келуге тыйым салынады), сабаққа ұзындығы тізеден төмен ақ халатпен келу (колледждегі белгіленген стандарттарға сай), бейдж, қалпақ және екінші аяқ киім, практикалық сабақтарда – маска және резеңке қолғап болуы тиіс. Дененің ашық жерлерінде пирсинг, татуаж жасауға, 3мм асырып ұзын тырнақ өсіруге тыйым салынады).

Міндеттемелерді және студентке қойылатын шектеулерді бұзғаны үшін Осы Ереженің 7.4 тармағының 1-3 тармақшаларына сай жазаға тартылады.

4.14. Колледж стандарттары - қалта қайырмасы мен бейдж түсі:

- Акушерия ісі – қызғылт;

- Мейіргер ісі – көк;

- Емдеу ісі -  қызыл

- Лабораториялық диагностика -  салат түсті

- Тіс технигі, дантист -  қою көк;

- Фармация – жасыл

4.15. Отбасылық жағдайы өзгерген жағдайда неке қию туралы құжаттардың көшірмесін ұсынып, топ жетекшісіне хабарлау қажет.

4.16. Колледжді бітіргеннен кейін жұмысқа орналасқан жағдайда колледждің оқу бөліміне емдеу-алдын алу ұйымының кадрлар бөлімінен анықтаманы ұсыну қажет.

 

5. Студенттерге тыйым салынады:

5.1. Колледж әкімшілігінің рұқсатынсын кабинеттер мен басқа бөлмелерден мүлікті, муляждарды, макропрепараттарды алып шығаруға тыйым салынады.

5.2. Оқу және практикалық сабақтарда ұялы телефондарды, смартфондарды және басқа интернет байланыстың мобильді құралдарын қолдануға, пациенттерді олардың рұқсатынсын суретке түсіріп кез келген бұқаралық ақпарат құралдарына орналастыруға тыйым салынады. Аталған тармақты бұзғаны үшін студент жазаға тартылады.

5.3. Колледжде және оның территориясында ішімдікті, насвайды қолдануға, оны тартуға тыйым салынады.

5.4. Мемлекеттік және әкімшіліктік органдармен, колледж әкімшілігімен рұқсат етілмеген шараларға (митинг, шеру, пикетке шығу және т.б.) қатысуға тыйым салынады.

 

6. Мадақтау:

6.1. Үздік үлгерімі, үздік тәртібі және колледж шараларына белсенді қатысқаны үшін студенттер үшін келесі мадақтамалар белгіленеді:

1) алғыс жариялау;

2) грамотамен марапаттау;

3) бағалы сыйлықпен марапаттау.

Мадақтама колледж директорының бұйрығымен жарияланады, ұжымның назарына жеткізіліп оқушының жеке ісіне енгізіледі.

 

7. Жаза қолдану:

7.1. Колледждің белгіленген ішкі тәртіп ережелерін бұзғаны үшін студенттерге төмендегідей жазалар жарияланады:

1) ескерту;

2) сөгіс;

3) қатаң сөгіс;

4) колледжден шығару.