2024 жылғы 22 қарашада колледжде 1-3 курс студенттеріне есірткі заттарын тарату мен пайдаланудың алдын алу тақырыбында әңгіме өткізілді. Іс-шара барысында заңсыз есірткі айналымы мен тұтынғаны үшін заң алдындағы жауапкершілік сияқты құқықтық аспектілер, сондай-ақ олардың адамның денсаулығы мен өміріне тигізетін зияны талқыланды.
Мұндай әрекеттердің салдарын айқын көрсету үшін студенттерге шынайы оқиғаларға негізделген «Закладка» деректі фильмі көрсетілді. Фильмде есірткіге тәуелділікпен және есірткіге байланысты қылмыстық әрекеттермен бетпе-бет келген адамдардың өмірлік оқиғалары баяндалды.
Іс-шара студенттердің құқықтық және әлеуметтік сауаттылығын арттыруға, сондай-ақ олардың денсаулығы мен мінез-құлқына саналы көзқарас қалыптастыруға бағытталған.
